CHARLA SOBRE O CERN DE NÉSTOR ARMESTO

Con motivo da participación de varios alumnos/as do colexio, de diferentes cursos,  nun concurso sobre o CERN, o venres tivemos a sorte de ter connosco a Néstor Armesto.

É profesor do departamento de Física de Partículas e investigador do Instituto Galego de Física de Altas Enerxías. Neste momento, estuda o potencial científico e a posible realización técnica dun colisionador entre protóns ou ións e electróns, e os seus detectores asociados, é dicir, a construcción dun acelerador de proba, en colaboración co CERN.

Explicounos e aprendemos un pouco máis sobre que é o CERN, como funciona e como inflúe nas nosas vidas, como na creación da www ou na radioterapia.

Ademais deulles a noraboa aos alumnos Esteban García e Lucía Varela, de 4º EP, por haber chegado ata a final do concurso.